नेपाली फुटबलको समग्र विकास र दिगोपनाका लागि हामी निरन्तर प्रयासरत छौं। फुटबललाई केवल खेल मात्र नभई संस्कृतिको रूपमा स्थापित गर्ने उद्देश्यले हामीले नयाँ अभ्यासको सुरुवात गरेका छौं। युवाहरूमा अनुशासन, टीमवर्क र खेलप्रतिको समर्पण विकास गर्न यस अभियानले महत्वपूर्ण भूमिका खेल्ने विश्वास लिएका छौं।
यस अभियानको पहिलो सिजन लुम्बिनी फुटबल एकेडेमीको आयोजनामा दाङमा सफलतापूर्वक सम्पन्न भइसकेको छ। अब दोस्रो सिजन पोखरा र काठमाडौंमा आयोजना गर्ने तयारी भइरहेको छ। यसले देशका विभिन्न क्षेत्रका खेलाडीहरूलाई अवसर प्रदान गर्नुका साथै प्रतिस्पर्धात्मक वातावरण सिर्जना गर्ने लक्ष्य राखेको छ।
आगामी दिनहरूमा अन्य एकेडेमी र क्लबहरूलाई पनि यस अभियानमा समेट्दै जाने हाम्रो योजना रहेको छ। दाङ जिल्लामा Dolpo FC Youngstar Football Club लाई हार्दिक स्वागत गर्दै हामी सबैलाई एउटै लक्ष्य—नेपाली फुटबलको उज्ज्वल भविष्य—तर्फ अघि बढ्न आह्वान गर्दछौं। #StrongerTogether #FootballDreams
